AOC Recruitment 2026: ಭಾರತೀಯ ಸೇನೆ AOC ನೇಮಕಾತಿ: 2615 ಹುದ್ದೆಗಳಿಗೆ ಅರ್ಜಿ ಆಹ್ವಾನ, SSLC ಯಿಂದ ಡಿಗ್ರಿ ವರೆಗೆ ಅವಕಾಶ
ಕೇಂದ್ರ ಸರ್ಕಾರಿ ಉದ್ಯೋಗದ ನಿರೀಕ್ಷೆಯಲ್ಲಿರುವ ಯುವಕ-ಯುವತಿಯರಿಗೆ ಭರ್ಜರಿ ಸುದ್ದಿ. ಭಾರತೀಯ ಸೇನೆಯ ಆರ್ಮಿ ಆರ್ಡ್ನೆನ್ಸ್ ಕಾರ್ಪ್ಸ್ (Army Ordnance Corps – AOC) ವಿಭಾಗದಲ್ಲಿ 2615 ಹುದ್ದೆಗಳ ಭರ್ತಿಗೆ ಆನ್ಲೈನ್ ಅರ್ಜಿ ಆಹ್ವಾನಿಸಲಾಗಿದೆ.
10ನೇ ತರಗತಿ, ಪಿಯುಸಿ ಮತ್ತು ಪದವಿ ಪಾಸಾದ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಅರ್ಜಿ ಶುಲ್ಕವಿಲ್ಲದಿರುವುದು ಈ ನೇಮಕಾತಿಯ ವಿಶೇಷತೆ.
ಆಗಸ್ಟ್ 24, 2026ರಿಂದ ಸೆಪ್ಟೆಂಬರ್ 23, 2026ರವರೆಗೆ ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು.
ದೇಶಾದ್ಯಂತ ಖಾಲಿ ಇರುವ ಈ ಹುದ್ದೆಗಳು ಕೇಂದ್ರ ಸರ್ಕಾರಿ ನೌಕರಿಯ ಲಾಭ ಪಡೆಯಲು ಸುವರ್ಣಾವಕಾಶವಾಗಿದೆ.
ಪಡಿತರ ಚೀಟಿ e-KYC ಪೂರ್ಣಗೊಳಿಸಿದ್ದೀರಾ? ಇಲ್ಲದಿದ್ದರೆ ಮೊಬೈಲ್ನಲ್ಲಿ ಹೀಗೆ ಮಾಡಿ
ಹುದ್ದೆಗಳ ವಿವರ ಮತ್ತು ವಿದ್ಯಾರ್ಹತೆ.?
AOC ವಿಭಾಗದಲ್ಲಿ ಟ್ರೇಡ್ಸ್ಮನ್ ಮೇಟ್, ಫೈರ್ಮನ್, ಜೂನಿಯರ್ ಆಫೀಸ್ ಅಸಿಸ್ಟೆಂಟ್ (JOA), ಮಲ್ಟಿ-ಟಾಸ್ಕಿಂಗ್ ಸ್ಟಾಫ್ (MTS) ಮತ್ತು ಮೆಟೀರಿಯಲ್ ಅಸಿಸ್ಟೆಂಟ್ ಹುದ್ದೆಗಳು ಖಾಲಿ ಇವೆ.
- ಟ್ರೇಡ್ಸ್ಮನ್ ಮೇಟ್: 1799 ಹುದ್ದೆಗಳು – 10ನೇ ತರಗತಿ ಪಾಸ್
- ಫೈರ್ಮನ್: 508 ಹುದ್ದೆಗಳು – 10ನೇ ತರಗತಿ ಪಾಸ್
- ಜೂನಿಯರ್ ಆಫೀಸ್ ಅಸಿಸ್ಟೆಂಟ್ (JOA): 104 ಹುದ್ದೆಗಳು – 12ನೇ ತರಗತಿ ಪಾಸ್ (ಇಂಗ್ಲಿಷ್ ಟೈಪಿಂಗ್ ಅಗತ್ಯ)
- ಮಲ್ಟಿ-ಟಾಸ್ಕಿಂಗ್ ಸ್ಟಾಫ್ (MTS): 142 ಹುದ್ದೆಗಳು 10ನೇ ತರಗತಿ ಪಾಸ್
- ಮೆಟೀರಿಯಲ್ ಅಸಿಸ್ಟೆಂಟ್: 50 ಹುದ್ದೆಗಳು – ಯಾವುದೇ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಪದವಿ
ಸಂಬಳ ಮತ್ತು ಲಾಭಗಳು.?
7ನೇ ವೇತನ ಆಯೋಗದ ಅನ್ವಯ ವೇತನ ನಿಗದಿಯಾಗಿದೆ. ಟ್ರೇಡ್ಸ್ಮನ್ ಮೇಟ್ ಮತ್ತು MTS ಹುದ್ದೆಗಳಿಗೆ ಮಾಸಿಕ ₹18,000 ರಿಂದ ₹56,900, ಫೈರ್ಮನ್ ಹುದ್ದೆಗಳಿಗೆ ₹19,900 ರಿಂದ ₹63,200, ಮೆಟೀರಿಯಲ್ ಅಸಿಸ್ಟೆಂಟ್ ಹುದ್ದೆಗೆ ₹29,200 ರಿಂದ ₹92,300 ವರೆಗೆ ವೇತನ ಸಿಗಲಿದೆ.
ಇದರ ಜೊತೆಗೆ ಕೇಂದ್ರ ಸರ್ಕಾರಿ ಭತ್ಯೆಗಳು, ವೈದ್ಯಕೀಯ ಸೌಲಭ್ಯಗಳು ಮತ್ತು ಇತರ ಲಾಭಗಳು ಲಭ್ಯವಿವೆ. ಮೀಸಲಾತಿ ವರ್ಗಗಳಿಗೆ ವಯೋಮಿತಿ ಸಡಿಲಿಕೆ ಇರುತ್ತದೆ.
ಆಯ್ಕೆ ಪ್ರಕ್ರಿಯೆ.?
ಅಭ್ಯರ್ಥಿಗಳು ದೈಹಿಕ ಸಾಮರ್ಥ್ಯ ಪರೀಕ್ಷೆ (Physical Efficiency Test), ಲಿಖಿತ ಪರೀಕ್ಷೆ (ಜನರಲ್ ನಾಲೆಡ್ಜ್, ಗಣಿತ, ರೀಸನಿಂಗ್), ಟೈಪಿಂಗ್ ಟೆಸ್ಟ್ (JOAಗೆ ಮಾತ್ರ), ದಾಖಲೆ ಪರಿಶೀಲನೆ ಮತ್ತು ವೈದ್ಯಕೀಯ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕು. ಟ್ರೇಡ್ಸ್ಮನ್ ಮತ್ತು ಫೈರ್ಮನ್ ಹುದ್ದೆಗಳಿಗೆ ದೈಹಿಕ ಪರೀಕ್ಷೆ ಕಡ್ಡಾಯ.
ಅರ್ಜಿ ಹೇಗೆ ಸಲ್ಲಿಸುವುದು.?
ಆನ್ಲೈನ್ ಅರ್ಜಿ ಪ್ರಕ್ರಿಯೆಗೆ ಸಕ್ರಿಯ ಮೊಬೈಲ್ ನಂಬರ್, ಇ-ಮೇಲ್ ಐಡಿ, ಪಾಸ್ಪೋರ್ಟ್ ಗಾತ್ರದ ಫೋಟೋ, ಸಹಿ ಮತ್ತು ಶೈಕ್ಷಣಿಕ ದಾಖಲೆಗಳನ್ನು ಸಿದ್ಧವಾಗಿಟ್ಟುಕೊಳ್ಳಿ.
ಅಧಿಕೃತ ಪೋರ್ಟಲ್ಗೆ ಭೇಟಿ ನೀಡಿ: https://aocrecruitment.gov.in/ ನೋಟಿಫಿಕೇಶನ್ ಸಂಪೂರ್ಣವಾಗಿ ಓದಿ, ಫಾರ್ಮ್ ಭರ್ತಿ ಮಾಡಿ ಸಲ್ಲಿಸಿ. ಅಪ್ಲಿಕೇಶನ್ ನಂಬರ್ ಅನ್ನು ಉಳಿಸಿಕೊಳ್ಳಿ.
ಇದು ಅಖಿಲ ಭಾರತ ಮಟ್ಟದ ನೇಮಕಾತಿಯಾಗಿದ್ದು, ದೇಶದ ಯಾವುದೇ ಭಾಗದಲ್ಲಿ ಕರ್ತವ್ಯ ನಿರ್ವಹಿಸುವ ಸಿದ್ಧತೆ ಇರುವವರು ಅರ್ಜಿ ಸಲ್ಲಿಸಬಹುದು.
ಸೇನಾ ಇಲಾಖೆಯಲ್ಲಿ ಸೇವೆ ಸಲ್ಲಿಸುವ ಅವಕಾಶದ ಜೊತೆಗೆ ಸ್ಥಿರ ಉದ್ಯೋಗ ಮತ್ತು ಉತ್ತಮ ಭವಿಷ್ಯ ಒದಗಿಸುವ ಈ ನೇಮಕಾತಿ ಯುವಕರಿಗೆ ದೊಡ್ಡ ಅವಕಾಶ. ಅರ್ಹರು ಸಮಯಕ್ಕೆ ಅರ್ಜಿ ಸಲ್ಲಿಸಿ ಲಾಭ ಪಡೆಯಿರಿ.
ಆಗಸ್ಟ್ 9ರವರೆಗೆ ಭಾರೀ ಮಳೆ: ಯಾವ ಜಿಲ್ಲೆಗಳಿಗೆ ಯಾವ ಅಲರ್ಟ್? ಇಲ್ಲಿದೆ ಪಟ್ಟಿ | ಹವಾಮಾನ